प्रेस युनियनको महाधिवेशन नेपालगञ्जमा

0
52

काठमाडौं, ७ माघ । नेपाल प्रेस युनियनको नवौँ राष्ट्रिय महाधिवेशन आगामी चैतमा नेपालगञ्जमा हुने भएको छ ।

युनियनको मंगलबार काठमाडौंमा सम्पन्न केन्द्रीय समितिको बैठकले २१ र २२ चैत्रमा महाधिवेशन गर्ने निर्णय गरेको हो ।

युनियनको प्रतिष्ठान, जिल्ला र विदेश गरी ८७ शाखा छन् ।

शाखाबाट आएका झण्डै एक हजार ५ सयभन्दा बढी प्रतिनिधि महाधिवेशनमा सहभागी हुने केन्द्रीय अध्यक्ष बद्री सिग्देलले बताए । हालसम्म ७० शाखामा अधिवेशन भई सकेको छ ।

बाँकी रहेकाको माघभित्र अधिवेशन सक्ने बैठकले निर्णय गरेको महासचिव अजयबाबु शिवाकोटीले जानकारी दिए ।

महाधिवेशन सम्पन्न गर्न अध्यक्ष सिग्देलको संयोजकत्वमा महाधिवेशन तयारी मूल आयोजक समिति र डेमोक्रेटिक लर्यस एशोशिएशनका अध्यक्ष योगेन्द्रबहादुर अधिकारीको संयोजकत्वमा पाँच सदस्यीय निर्वाचन समिति गठन गर्ने बैठकले निर्णय गरेको शिवाकोटीले बताए ।

The post प्रेस युनियनको महाधिवेशन नेपालगञ्जमा appeared first on Koshi Online.

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0