अन्ततः कांग्रेसमा ऐतिहासिक सहमति, माघ १३ गते केन्द्रीय समितिबाट अनुमोदन गरिने

0
30

काठमाडौं – नेपाली कांग्रेसका सभापति शेरबहादुर देउवा, वरिष्ठ नेता रामचन्द्र पौडेल र नेता कृष्णप्रसाद सिटौला सहितका नेताबीच पार्टीभित्रको विवाद तत्कालै समाधान गर्ने सहमति भएको छ ।

काठमाडौंको बुढानिलकण्ठमा आज शुक्रबार भएको सभापति देउवासहित शीर्ष नेताबीचको बैठकले विवाद समाधान गरेर अगाडि बढ्ने सहमति गरेको छ ।

बुढानिलकण्ठको सहमतिसँगै नेपाली कांग्रेसभित्र विगत साढे एक महिनादेखि चल्दै आएको आन्तरिक विवाद समाधान भएको छ ।

शीर्ष नेताहरूको बैठकले सबै विषय सहमतिकै आधारमा आगामी महाधिवेशन पूर्वनिर्धारित मिति अर्थात् २०७७ फागुन ७ देखि १० गते गर्ने सहमति भएको स्रोतले जनाएको छ ।

असन्तुष्ट समूहका नेताहरूको नेतृत्व गरिरहेका नेता पौडेलसहित कार्यदलका सदस्यहरू समेतको उपस्थितिमा भएको सहमति अनुसार कांग्रेसले सहमतिका विषयलाई वैधानिकता दिन माघ १३ गते अपराह्न १ बजे केन्द्रीय कार्यसमिति बैठक बोलाएको छ ।

माघ १३ गतेको केन्द्रीय कार्यसमितिको बैठकमा असन्तुष्ट समूहका केन्द्रीय सदस्यहरूको पनि उपस्थित हुनेछ ।

सभापति शेरबहादुर देउवाले केन्द्रीय समितिबाट बहुमतका आधारमा महाधिवेशन घोषणा गरेपछि विवाद देखिएको थियो ।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0