वर्षा पार्ने मौसमी प्रणाली सक्रिय, कहाँ कस्तो पूर्वानुमान ?

0
25

काठमाडौं – छिमेकी भारतको उत्तरपूर्वी भूभागमा विकसित भएको मौसमी प्रणालीका कारण नेपालको पूर्वी, मध्य र पश्चिमका केही भेगमा मौसम बदली हुने भएको जनाइएको छ ।

मौसमी प्रणालीले देशका पूर्व र मध्यका सबै भूभाग तथा पश्चिमको बाग्लुङ र पर्वतपूर्व बाहेकका पहाडी जिल्लामा आंशिकदेखि सामान्य बदली गराएको जल तथा मौसम विज्ञान विभागको मौसम पूर्वानुमान महाशाखाले जनाएको छ ।

महाशाखाका मौसमविद् मञ्जु बासीले बदलीसँगै देशका मध्य र पूर्वका १/२ स्थानमा हल्का वर्षाको सम्भावना रहेको बताइन् । सोमवारदेखि मौसममा क्रमिक सुधार आएपनि साँझतिर पुनः पश्चिमी न्यूनचापीय प्रणाली नेपाल प्रवेश गर्ने भएकाले अझै केही दिन मौसम बिग्रने सम्भावना रहेको उनले बताइन् ।

मौसमी प्रणाली भित्रिएपनि काठमाडौं उपत्यकाको न्यूनतम तापक्रम भने वृद्धि हुने उनले बताइन् । काठमाडौं उपत्यकामा आईतबार बिहानैदेखि मौसम बदली भएर घाम नलागेका कारण बढी चिसो महसूस गरिएको जनाइएको छ ।

देशका पूर्व, मध्य र पश्चिम तराई क्षेत्रमा बिहान हुस्सु र कुहिरो लागेपनि अपराह्नदेखि कुहिरो हटिसकेको उनले बताइन् । आईतबार काठमाडौंको न्यूनतम तापक्रम ४ दशमलव ४ डिग्री सेल्सियस र अधिकतम तापक्रम १६ दशमलव ८ डिग्री सेल्सियस रहेको छ ।

शनिबार र अघिल्ला केही दिन काठमाडौं उपत्यकाको न्यूनतम तापक्रम २ देखि ३ डिग्रीको हाराहारीमा पुगेपनि घाम लागेका कारण चिसो कम भएको थियो । माघ महिनामा दिउँसोपख घाम लागेपनि बिहान र बेलुका बढी चिसो हुने पूर्वानुमान गरिएको छ ।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0