कम्युनिस्ट शासनमा सुरक्षा नाजुक, फेरि पड्कियो प्रेसर कुकर बम !

0
28

काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारले सुरक्षा व्यवस्था सम्हालिरहेका बेला देशमा सुरक्षा नाजुक भएको छ ।

केही दिनअघि बालुवाटारको ललिता निवास जग्गा प्रकरणमा मुछिएका व्यक्तिको घरमा राजधानी काठमाडौंमै बम विस्फोट भएको घटना सेलाउन नपाउँदै आईतबार संखुवासभा जिल्लामा निर्माणाधीन अरुण तेस्रो जलविद्युत् आयोजनास्थलमा बम विस्फोट गरिएको छ ।

चिचिला गाउँपालिका–३ स्थित आयोजनाको जलविद्युत् गृह छेउमा भएको विस्फोटमा नेत्रविक्रम चन्द ‘विप्लव’ नेकपाका कार्यकर्ताको संलग्न रहेको आशंका गरिएको छ । बम विस्फोटबाट अरुण तेस्रोले राखेको जेनेरेटरमा क्षति पुगेको प्रहरीले जनाएको छ ।

प्रेसर कुकर बम पड्किँदा जेनेरेटर नजिकै पर्खालमा पनि क्षति पुगेको छ । घटनामा संलग्न भएको भन्दै प्रहरीले हालसम्म कसैलाई पक्राउ गरेको छैन । घटनास्थलमा प्रेसर कुकरका टुक्रा भेटिएका जनाइएको छ ।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0