सभामुख सापकोटाद्वारा पद तथा गोपनियताको सपथ

0
138

काठमाडौं, १३ माघ । प्रतिनिधिसभाको सभामुखमा निर्विरोध निर्वाचित अग्निप्रसाद सापकोटाले पद तथा गोपनियताको सपथ लिएका छन् ।

मंगलबार राष्ट्रपति विद्यादेवी भण्डारीले प्रतिनिधिसभाका नवनिर्वाचित सभामुख अग्निप्रसाद सापकोटालाई पद तथा गोपनीयताको शपथ गराएकी हुन् ।

राष्ट्रपति कार्यालय शीतल निवासमा आयोजित समारोहमा सभामुख सापकोटाले नेपालको संविधानबमोजिम राष्ट्रपतिबाट शपथ लिए ।

समारोहमा उपराष्ट्रपति नन्दबहादुर पुन, प्रधानमन्त्री केपी शर्मा ओली, प्रधानन्यायाधीश चोलेन्द्र शम्शेर जबरा, राष्ट्रियसभाका अध्यक्ष गणेशप्रसाद तिमिल्सिना सहभागी थिए ।

त्यस्तै उपप्रधानमन्त्री ईश्वर पोखरेल, पूर्वप्रधानमन्त्री एवं नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’, मन्त्रिगण, सांसद, संवैधानिक अङ्गका पदाधिकारी, सुरक्षा निकायका प्रमुख, उच्च सरकारी अधिकारीलगायतको सहभागिता रहेको थियो ।

आइतबार बसेको बैठकले सापकोटालाई निर्विरोध निर्वाचित भएको घोषणा गरेको हो ।

रिक्त रहको सभामुख पदमा उनको मात्र उम्मेदवारी परेपछि सापकोटा निर्विरोध भएका हुन् ।

बैठकमा ज्येष्ठ सदस्यको हैसियतमा बैठक सञ्चालन गरेका महन्थ ठाकुरले सापकोटा निर्विरोध सभामुखमा निर्वा्चित भएको घोषणा गरे ।

तत्कालीन सभामुख कृष्णबहादुर महरा महिलामाथिको यौन दुर्व्यवहारको विवादमा परेर सो पदबाट राजीनामा दिएपछि उक्त पद रिक्त रहेको थियो ।

महराले १५ असोजमा राजीनामा दिएका थिए । हाल उनी पुर्पक्षका लागि थुनामा छन् ।

The post सभामुख सापकोटाद्वारा पद तथा गोपनियताको सपथ appeared first on Koshi Online.

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0