जावलाखेल युथलाई हराउँदै आर्मी लिगको शीर्षस्थानमा

0
29

जावलाखेल युथ क्लबलाई हराउँदै त्रिभुवन आर्मी क्लब सहिद स्मारक ए डिभिजन लिगको शीर्षस्थानमा फर्केको छ।

सातदोबाटोस्थित एन्फा कम्प्लेक्स मैदानमा भएको खेलमा भरत खवासको गोलमा आर्मीले जावलाखेललाई १–० ले हराएको हो।

नवौं खेलमा छैटौं जित हासिल गरेको आर्मीको २० अंक पुगेको छ। १ अंक कम रहेको मछिन्द्र क्लब दोस्रो स्थानमा झरेको छ।

७५औं मिनेटमा कप्तान भरतले आर्मीका लागि गोल गरेका थिए। टेकबहादुर बुढाथोकीको पासमा भरतले हाफ भलीमा गोल गर्दै आर्मीलाई अग्रता दिलाएका थिए। त्यही गोल खेलको निर्णायक बनेको थियो।

आजै भएको पहिलो खेलमा हिमालयन शेर्पा क्लबलाई ४–३ ले हराउँदै सरस्वती युवा क्लबले लिगमा पहिलो जित हासिल गरेको थियो । यद्यपि सरस्वती अंक तालिकाबाट पुछारबाट माथि उठ्न सकेन ।

सरस्वतीको ५ अंक पुगेको छ ।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0