खाद्य सुरक्षामा लापरबाही गरेपछि आबुधाबी सरकारले लगायो नेपाली होटलमा ताला

0
1227

खाद्य सुरक्षामा लापरबाही गरेपछि आबुधाबी सरकारले लगायो नेपाली होटलमा ताला

उज्यालो नेपाल, जुलाई १५- युएईको आबुधाबीमा रहेको अबुधाबी कृषि तथा खाद्य सुरक्षा प्राधिकरण (एडीएएफएसए) ले आबुधाबीमा संचालनमा रहेको एक नेपाली रेष्टुरेन्ट बन्द गराएको छ । जनस्वास्थ्यमा गम्भिर लापरबाही गरेको आरोप लगाउंदै उक्त रेष्टुरेन्टलाई गत मंगलबार देखि अस्थाई रुपमा बन्द गरिएको हो । एडीएएफएसए का अनुसार उक्त रेष्टुरेन्टले सार्वजनिक स्वास्थय सम्बन्धी नियम तोड्नुका साथै खाना पकाउने सम्बन्धमा हेलचेक्र्याइँ गरेको आरोप लागेको छ ।

Yash Restaurant नाम गरेको उक्त होटललाई मुख्यत: ४ ओटा आरोप लागेको छ । खाना तयार  गर्ने बेलामा लापरबाही पुर्वक खाद्ध सुरक्षाका उपायहरु लाई नअपनाईएको, खाना बनाउने बेलामा मास्क, पन्जा, अप्रोन जस्ता सुरक्षाका सामाग्री प्रयोग नगरेको र खाध्य पदार्थ फ्रिजमा राख्नेबेलामा लापरबाही गरेको आरोप लागेको छ । एडीएएफएसए को निरीक्षण रिपोर्टमा “सुविधा सामान्य र अशुद्ध वातावरणको सफाईको स्तर कम” रेकर्ड गरिएको छ।

गल्फ न्युजमा प्रकाशित समाचार अनुसार  उक्त रेष्टुरेन्टले आफ्ना कमजोरीहरु सुधार गरे पछि पुन: रेष्टुरेन्ट संचालनको अनुमती दिईने अबुधाबी कृषि तथा खाद्य सुरक्षा प्राधिकरणले जनाएको छ । त्यस्तै प्राधिकरणले आफ्नो टोल फ्री नम्बर 800 555 मा सम्पर्क गरेर आबुधाबीमा भईरहेको खाध सुरक्षाका लापरबाहीको घटना बारे जानकारी दिन समेत सर्वसाधारण संग आग्रह गरेको छ ।

तपाईको प्रतिक्रिया