युएईमा अब शुक्रबार हाफ डे, शनिबार र आईतबार बिदा

0
749

उज्यालो नेपाल, ०७ डिसेम्बर- युनाइटेड अरब इमिरेट्स (यूएई) ले आफ्नो देशमा हाल कायम रहेको कार्यालय समयमा केहि हेरफेर गर्ने भएको छ । यूएईले विश्वमै पहिलो पटक साढे चार दिनको कार्य हप्ता तोकेको बताईएको छ । जुन विश्वमै सबैभन्दा कम कार्य समय हो । युएईमा अब हप्तामा साँढे चार दिन मात्र काम गरे पुग्नेछ । यस अघि युएईमा शुक्रबार र शनिबार सार्वजनिक विदा दिंदै आईएको थियो ।

तर यो नियम सरकारी कार्यालय र निजि कम्पनीका ठुला कार्यालयहरुमा मात्र लागु थियो । सामान्य कामदारले हप्तामा एकदिन मात्र बिदा पाउँदै आएका छन् । यस अघि केहि कम्पनीहरुले विहिवार हाफ डे दिएर शुक्रबार बिदा दिने पनि गरेका थिए । आगामी वर्षको जनवरी देखि यूएईले यो व्यवस्थालाई लागु गर्न लागेको हो। नयाँ नियम लागु भए संगै युएई संसारमै धेरै बिदा दिने देशमा पर्नेछ ।  विश्वका अरू देशमा अहिले पाँच तथा ६ दिनको कार्य हप्ता रहेको छ ।

नयाँ नियम अनुसार सोमबारदेखि बिहीबारसम्म बिहान ७ बजेर ३० मिनेट देखि दिउँसो साढे ३ बजे बजे सम्म कार्यालय समय रहने छ । त्यस्तै शुक्रबार भने साढे ७ बजे देखि १२ बजे सम्म कार्यालय समय रहनेछ । मोरक्को, टर्की, मलेसिया र इन्डोनेसिया जस्ता अरब र मुस्लिम राष्ट्रहरू सहित विश्वभरका अधिकांश देशहरूमा शनिबार-आइतबार बिदा दिने प्रचलन रहेको भन्दै युएईले शुक्रबार काममा लगाउने आफु मात्र एक्लो देश नभएको बताएको छ ।

शुक्रबार दिउँसोको नमाज भन्दा पहिलेनै अफिस टाईम सकिने हुनाले नयाँ नियम मुस्लिम स’रिया कानुनको खि’लाफ नहुने बताईएको छ। यस अघिपनि विभिन्न समयमा युएईमा बिदाको दिनहरु परिवर्तन गरिएको थियो । सन् १९७१ देखि १९९९ सम्म शुक्रबारलाई विदाको दिन मानिन्थ्यो । त्यस्तै १९९९ देखि २००६ सम्म विहिबारलाई बिदाको दिन मानिन्थ्यो । फेरी २००६ मा त्यो नियम परिवर्तन भएर शुक्रबार र शनिबारलाई बिदाको दिन मान्ने गरिएको थियो  । अब यो नियम २०२१ को अन्तिममा आएर पुन: परिवर्तन भएको छ ।

यो नियम युएइको सरकारी कार्यालयको साथै विद्धालय, कलेज, विश्वविद्धालयका साथै अन्य बैंक तथा वित्तीय संस्थाहरुमा समेत लागुहुने बताईएको छ । तर युएई मै रहेका विभिन्न पब्लिक कम्पनी र निजि कम्पनीहरुमा यो नियम लागु हुन्छ या हुँदैन भन्नेमा अझै केहि खुलिसकेको छैन । उता दुबई सरकारले भने आफ्नो प्रान्तमा रहेका पब्लिक कम्पनीहरुमा पनि यो नियम लागुहुने बताएको छ ।

 

 

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0