नेकपा फुटाउन एमसीसीको फण्डा ! कति छ सत्यता ?

0
13

काठमाडौं– पछिल्लो केही समय यता मुलकभर एमसीसी अर्थात अमेरिकन सहयोग मिलेनियम च्यालेन्ज कर्पोरेसनको चर्चा छ । पार्टीका बैठक, संसद देखि चिया पसलसम्म एमसीसीका बारेमा गमागर्मी बहस चलिरहेको छ । सम्झौतामा हस्ताक्षर भएको तीन बर्ष वितेको छ ।

हस्ताक्षर हुँदा र त्यसयताका तीन बर्ष खासै चर्चामा नआएको विषयमा अहिले किन विवाद भइरहेको छ । एमसीसी कम्प्याक्टमा नेपाले सन् २०१७ मा मै हस्ताक्षर गरेको थियो । तत्कालीन प्रधानमन्त्री शेरबहादुर देउवा नेतृत्वका अर्थमन्त्री ज्ञानेन्द्रबहादुर कार्कीले हस्ताक्षर गरेका थिए ।

प्रधानमन्त्री केपी शर्मा ओली एमसीसी पारित गर्नुपर्ने बताउँदै आएका छन् । विपक्षी दल कांग्रेससहितका दलहरु पनि एमसीसी पारित गर्नुपर्ने बताउँदै आएका छन् । प्रमुख प्रतिपक्षी दल कांग्रेस र प्रधानमन्त्री ओली सहमत भइसक्दा सत्तारुढ नेकपाभित्र देखिएको लफडालाई ‘नेकपा फुटाउन’ चालिएको खेलको रुपमा चर्चा हुन थालेको छ ।

चियापसलदेखि सार्वजनिक स्थानसम्म र सामाजिक सञ्जाल पनि एमसीसी नेकपा फुटाउन ल्याएको हुन सक्ने भन्दै आशंका व्यक्त गरिन थालिएको छ । विशेषगरी सत्तारुढ नेकपाका अध्यक्ष पुष्पकमल दाहाल प्रचण्डसहितका केही नेता एमसीसीको विपक्षमा रहेका बेला र प्रधानमन्त्री ओलीले जसरी पनि एमसीसी पारित गर्नुपर्ने सदनदेखि सार्वजनिक कार्यक्रममा बताउँदै आएका छन् ।

तत्कालीन नेकपा एमाले र माओवादी केन्द्रबीच एकीकरण भएको दुई वर्ष पनि नपुगेका बेला दीर्घकालीन प्रभाव राख्ने एमसीसीबारे ओली–प्रचण्डमा फरक फरक धारणा देखिएपछि पार्टी फुटाउन एमसीसी प्रयोग हुने अड्कल काटिएको हो । तर, यसलाई सत्तारुढ दल नेकपाका नेताहरु अस्वीकार गर्छन् ।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0