काठमाडौं, ११ फागुन । प्रमुख प्रतिपक्षी दल नेपाली कांग्रेसले मन्त्रालयमा भएका अनियमितता र भ्रष्टाचारका घटनाका विषयमा अध्ययन गर्न छायाँमन्त्रीहरुलाई निर्देशन दिएको छ ।
कांग्रेस सभापति एवं संसदीय दलका नेता शेरबहादुर देउवाको अध्यक्षतामा पार्टीका विषयगत मन्त्रालय हेर्ने संयोजक (छाया मन्त्री)हरुको आइतबार बसेको बैठकले यस्तो निर्णय गरेको राष्ट्रियसभामा प्रमुख प्रतिपक्षी दलका नेता सुरेन्द्रराज पाण्डेले बताए ।
बैठकमा पछिल्लो समयमा सार्वजनिक भएको सञ्चार तथा सूचना प्रविधिमन्त्रीको अडियो प्रकरण जस्तै अन्य मन्त्रालयमा पनि नीतिगत र व्यक्तिगत अनियमितता तथा भ्रष्टाचारका घटना हुन सक्ने आशंका कांग्रेसको छ ।
बैठकमा विषयगत मन्त्रालय हेर्ने संयोजकले चनाखो भएर अध्ययन गर्नुपर्ने विषयमा छलफल भएको उनले बताए ।
बैठकमा विषयगत मन्त्रालय हेर्ने संयोजकहरुलाई मन्त्रालयसँग सम्बन्धित विधेयक र नीतिका बारेमा समेत अध्ययन गरी पार्टीको धारणा बनाउनुपर्ने विषयमा समेत छलफल भएको छ ।
The post भ्रष्टाचारको खोजी गरी सार्वजनिक गर्न छायामन्त्रीलाई कांग्रेसको निर्देशन appeared first on Koshi Online.
