काठमाडौँ उपत्यकामा भएका सवारी दुर्घटनामा तीन जनाको मृत्यु भएको छ।
ललितपुर र भक्तपुरमा भएका दुई छुट्टाछुट्दै सवारी दुर्घटनामा तीन जनाको मृत्यु भएको प्रहरीले जनाएको छ।
सोमबार बिहान ४ बजे ललितपुरको बालकुमारीमा बा ३८ प ८३५७ नम्बरको मोटरसाइकल दुर्घटना हुँदा दुईजनाको मृत्यु भएको छ।
तिब्र गतिमा रहेको मोटरसाइकल सडकको रेलिङमा ठोक्किंदा लाजिम्पाटका ३० वर्षीय दिवस किशोर भट्टराई र मोटरसाइकलको पछाडि बसेकी ३१ वर्षीया ललिता राईको मृत्यु भएको प्रहरी परिसर जावलाखेलले जनाएको छ।
दुर्घटनामा गम्भीर घाइते भएका भट्टराई र राईको उपचारको क्रममा बीएण्डबी अस्पतालमा ज्यान गएको प्रहरीले जनाएको छ।
राईको ठेगाना भने खुलेको छैन। उनीहरु दुबैको शव हाल बिएण्डबीमै छ।
त्यसैगरी गएराति भक्तपुरको च्यामासिंहमा बा ३ क ३५८८ नम्बरको ट्रकको ठक्करबाट ११ वर्षीय बालकको मृत्य भएको छ।
पैदल हिँडिरहेको बेल ट्रकले ठक्कर दिँदा बालक तिलक मकाजुको ज्यान गएको प्रहरीले जनाएको छ।