घरेलु मैदानको फाइदा उठाउँछौः कप्तान मल्ल

0
64

नेपालले घरेलु मैदानमा पहिलो पटक एक दिवसीय क्रिकेट सिरिज खेल्दैछ। ओडीआई मान्यता पाएको झण्डै दुई वर्षपछि नेपालले घरेलु मैदानमा पहिलो सिरिज खेल्न लागेको हो।

नेपालले बुधबार ओमानसँग प्रतिस्पर्धा गर्दै लिगको सुरुवात गर्नेछ। मगंलबार भएको खेलअघिको पत्रकार सम्मेलनमा कप्तान ज्ञानेन्द्रले घरेलु मैदानको फाइदा उठाउने बताए। कप्तान ज्ञानेन्द्रले भने,‘आईसीसी विश्वकप लिग–२ मा नेपालको लक्ष्य शीर्ष दुईमा पुग्ने हो। हाम्रो तयारी राम्रो छ। पोखरामा पनि प्रशिक्षण गरेका थियौ त्यसैले पनि लिगमा सशक्त प्रदर्शन गर्नेछौ।’

नेपालले ओमान र अमेरिकासँग ओडिआइमा पहिलो पटक प्रतिस्पर्धा गर्न लागेको हो।

पत्रकार सम्मेलनमा दुवै टोलीका कप्तानले आफुहरु नेपालको मैदानमा उत्साहित रहेको बताउँदै चुनौती पनि रहेको बताए।

ओमानका कप्तान जिसान मकसोदले आफूहरु जित्नकै लागि नेपाल आएको बताए। उनले भने, ‘हामी राम्रो क्रिकेट खेल्न चाहन्छौं। जितको लागि आएका हौं।’

यता, अमेरिकाले भने आफ्नो पहिलो खेलमा ओमानसँग बिहीबार प्रतिस्पर्धा गर्दैछ। अमेरिकाका कप्तान सौरभ नेत्रभल्करले पनि आफुहरु नेपालीसँग खेल्नका लागि निकै उत्साहित रहेको बताए। नेपालको पिच केही फरक भएकाले पनि आफुहरुलाई केही गाह्रो हुन सक्ने औल्याएका छन्।

तपाईको प्रतिक्रिया
यो सामग्री पढेर तपाईलाई कस्तो लाग्यो ?
+1
0
+1
0
+1
0
+1
0
+1
0
+1
0
+1
0