नेपाली लेग स्पिनर सन्दीप लामिछानेले एसिया–११ बाट खेल्ने भएका छन्।
बंगलादेश क्रिकेट बोर्डले आयोजना गर्ने शेख मुजिब १०० टि–२० कप बंगलादेश २०२० अन्तर्गत विश्व–११ र एसिया–११ बीच हुने खेलमा सन्दीप टोलीमा समेटिएका हुन्।
बगंलादेशका राष्ट्रपिता शेख मुजिब रहमानको जन्म शताब्दीको अवसरमा उक्त खेल हुनलागेको हो।
दुईवटा खेल हुने उक्त सिरिज आगामी मार्च १८ र २१ मा बंगलादेशको शेर ए बंगला रंगशालामा हुनेछ। सो खेलमा कप्तान विराट कोहली र केएल राहुलले एक खेल मात्र खेल्नेछन्।
एसियाको टोलीमा भारतीय कप्तान विराट कोहली, श्रीलंकाका लसिथ मालिंगा, बंगलादेशका मुस्ताफिजुर रहमान, अफगानिस्तानका रशिद खान लगायत स्टार खेलाडी समावेश छन्।